Aktivecoj 2022

Esperantistoj akceptitaj ĉe la departementestro Marko Marušić



La delegacio de Bjelovara Esperantista Societe, konsistinta el Franjo Forjan, Rikard Patafta kaj Vojislav Kranželić, la 4-an de marto 2022 por la unua fojo vizitis la novelektitan estron de la Departemento Bjelovar-Bilogora, s-ron Marko Marušić, por konigi al li la ĝisnunan laboron de la Societo kaj por peti daŭrigon de la subteno al la projektoj kaj aktivecoj realigataj de bjelovaraj esperantistoj.

La esperantistoj donacis al la departementestro monografion „110 jaroj de Esperanto en Bjelovar” kaj konigis al li la plej gravajn projektojn kaj aktivecojn, realigitajn dum la pasinta jardeko.
Estis anoncita ankaŭ okazigo de la deka renkontiĝo „Esperantistoj de Bjelvoar al sia urbo”, por kies programoj estis petita subteno de la Departemento.





Pasporto tra la Zamenhofaj Esperanto-Objektoj



Pasporto tra la Zamenhofaj Esperanto-Objektoj estas gvidilo tra la urboj en Kroatio, kie en publikaj lokoj ekzistas iu objekto ligita al la internacia lingvo Esperanto. La gvidilo estas eldonita kun la financa subteno de Urbo Bjelovar kaj ĝi estas dediĉita al esperantistoj vizitantaj Kroation. Estas permesata ĝia uzado por nekomercaj celoj.

Ĉe la ligilo http://novo.dec-kroatio.hr/hr/esperanto_clone/ troviĝas la mapo de Kroatio, sur kiu estas prezentitaj la lokoj de la priskribitaj Zamenhofaj Esperanto-Objektoj.